بابا حاجي ميرمحمد ولد بلوچ خان سيلاوٽُ، جيسلمير ۾ 1870ع ڌاري ڄائو. راجپوتن جي چوهاڻ پاڙي مان هو. ڪراچيءَ ۾ سندس جماعت کي مسلم مارواڙي جماعت ڪري سڏيندا آهن. سندس تعليم لکڻ پڙهڻ جيتري ورتل هئي. سندس ايمانداريءَ ۽ دانشمنديءَ کي ڏسندي، کيس سرڪار طرفان آنرري مئجسٽريٽ مقرر ڪيو ويو. هو 1916ع ۾ ڪراچي ميونسپالٽيءَ جو ميمبر چونڊيو ويو، جنهن جي مکيه ڪاميٽين تي ڪم ڪندو رهيو. 1919ع ۾ خلافت تحريڪ ۾ ڀرپور حصو ورتائين، جنهن ۾ هن پنهنجو سرڪاري عهدو ڇڏي ڏنو. 1926ع ۾ ڪراچيءَ مان کيس بمبئي ليجسليٽو ڪائونسل جو ميمبر چونڊيو ويو، جتي هن تقريرون ڪري، ملڪ جي مسئلن تي ڳالهايو. هن 9 رمضان المبارڪ 1352 هه مطابق 26 ڊسمبر 1933ع تي وفات ڪئي.
1870.00.00 عيسوي
بابا حاجي ميرمحمد ولد بلوچ خان سيلاوٽُ ، جيسلمير ۾ 1870ع ڌاري ڄائو
1919.00.00 عيسوي
بابا حاجي ميرمحمد 1919ع ۾ خلافت تحريڪ ۾ ڀرپور حصو ورتو
1933.12.26 عيسوي
بابا حاجي ميرمحمد 9 رمضان المبارڪ 1352 هه مطابق 26 ڊسمبر 1933ع تي وفات ڪئي